sábado, 23 de abril de 2016

20 novas propostas de escritura creativa.

Vai un tempo presenteis 20 propostas de escritura creativa. Un dos meus xeitos favoritos de mellorar a expresión escrita nos alumnos e alumnas e explorar distintos estilos así como fomentar a creatividade e o aprecio pola lectura e escritura.


Nesa entrada comentaba como moitos dos estudantes opinan que escriben moito nas horas que están na escola pero como apenas hai alumnos/as que se sintan mínimamente escritores.

Prometín achegar novas propostas e aquí están as vinte seguintes. Se desexas saber cando e como as emprego na aula podes re-visitar a outra entrada para tomar algunha idea. E pòr suposto, tanto estas como as vinte anteriores propostas están a vósa completa disposición para ser descargadas!

martes, 12 de abril de 2016

Día das Letras Galegas: Un video-proxecto!

A falta dun mes para a conmemoración do Día das Letras Galegas aquí ven a proposta para traballala con tempo e chegar ao resultado final na data sinalada.

Temos unha tarefiña que mistura unha pequena investigación sobre o galardoado deste ano, coa creatividade e expresión artística así coma tamén coa introducción a ferramentas sinxelas de edición de video ou un uso funcional para os códigos QR. Que vos parece? Veña, dádelle unha oportunidade e seguide lendo...

Para a tarefa podemos empregar a seguinte ligazón web para orientar o traballo que comezará, recopilando uns cantos datos importantes sobre o galardoado. A quen se lle adica o día este ano? Quen foi? Que escribiu? Que destacamos del?...

 http://patrifulca.wix.com/letrasgalegas


Despois adentrarémonos no proceso creativo, deseñando un pequeno vídeo (ata 30 segundos) con algún dato da vida ou obra o do autor, a nosa proposta é empregar algúns versos ou frases da súa obra acompañados de voz, vídeo, música e/ou fotografía. Faremos o bosquexo da nosa idea paso a paso e despois levarémolo a cabo e editarémolo.

Finalmente crearemos uns códigos QR que alberguen ditos videos para poder expoñelos á entrada do centro, nos cartaces da celebración do día das letras e mesmo nos trípticos do día para que as nosas familias e amigos poidan escanealos cos seus dispositivos móbiles e desfrutar das nosas video creacións.

Este traballo pode plantexarse de distintos xeitos para adaptarnos aos nosos grupos, podemos facer equipos mixtos e que cada un traballe a súa proposta, grupos de expertos que se adiquen a cada fase do proxecto, parellas ou mesmo incluír propostas individuais. Así como destacar os elementos que creamos convintes: a parte de investigación, a creatividade, o desenvolvemento no emprego das TIC, o traballo colaborativo..

Anímovos a probar pequenos retos coma este e a achegarme outras propostas xa que eu teño comprobado o seu funcionamento adaptándoos a distintos tipos de grupos e tanto o proceso coma os resultados remataron sendo moi satisfactorios e enriquecedores.

Agardo que vos guste, saudos desde a fiestra!

domingo, 3 de abril de 2016

Que é e para que usar PLICKERS nas aulas.

Hoxe achégovos un descubrimento en forma de App: Plickers.

Plikers é unha nova ferramenta totalmente gratuíta, super sinxela e capaz que facer moito máis que avaliar e motivar aos estudantes e só precisamos un ordenador e UN único dispositivo móbil con Android ou iOS (a tablet, o móbil persoal...).

Como funciona? 
Na web Plikers atoparedes totalmente gratis a descarga das tarxetas Plickers, debaixo de este parágafo tedes un exemplo dunha delas. Cada unha das tarxetas é diferente, como se fora a sinatura persoal dos vosos estudantes que a app emprega para identificar a cada un deles. O numeriño das esquinas corresponde a aquel que lle foi adxudicado a cada alumno/a no sistema. Tamén, como vedes, cada lado do cadrado ten una pequenísima letra que representa as catro opcións de resposta. (Ao ser tarxetas distintas e as letras laterais pequenas evita e imposibilita a tentación de copiar a posición da tarxeta de outros compañeiros/as) Os estudantes respostarán levantando a tarxeta e rotándoa de xeito que na parte superior se atope a que consideren oportuna ou correcta.

Entón, nós escanearemos a clase desde o dispositivo móbil coa app, e, impotantísimo, non preciosamos ir tarxeta por tarxeta senon que cunha visión xeral o dispositivo recoñecerá todas as respostas en segundos.



Deberedes saber que na web poderedes incluír tantas clases coma precisedes e, se así o queredes empregar o mesmo set de tarxetas para todos os grupos. (Eu recomendo imprimir en cartulina branca ou en folio e pegar en algo ríxido para darlles unha boa durabilidade ás tarxetas e, no caso de que queirades plastificar tede en conta que precisaredes fundas mate xa que se reflicten a luz poden dar problemas no escaneo).

Outra carácterística xenial é que non sempre teñen que ser preguntas que introduzamos en texto senon que se poden subir imaxes de xeito moi rápido o cal multiplica as opcións de uso da App (imaxinade preguntas sobre as horas con reloxos analóxicos, analizar gráficos, obras de arte, paisaxes...).

Ademáis temos distintas opcións de mostrar os resultados na pantalla, con nomes, con gráficas e de xeito anónimo, etc. de xeito que reduzamos o estrés ou a competitividade cando é preciso. E tamén permítenos exportar moitos datos coma se de informes se tratara.

Para que usalo? As opcións son moitísimas máis aquí deixo un exemplos rápidos:



- Avaliar os coñecementos previos antes da intruducción dalgún tema ou tarefa.
- Realizar avaliación formativa por exemplo facendo tres ou catro preguntas en cada sesión para resolver dúbidas
- Como concurso-proba final dalgunha unidade.
- Para elexir ou votar de xeito anónimo sobre calquera cousa (a presentación de que grupo gustou máis?, que obra preferides traballar?,...) 
- Para coñecer de xeito moi rápido (e sen ter que estalo rexistrando en táboas ou cadernos) o punto no que se atopa cada alumno/a dentro dun proxecto/tarefa/taller por exemplo incluíndo as opcións: "Inicio pu borrador",  "Preciso axuda/ 2ª fase", "Revisando/3ªFase",  "Finalizando/Retocando"
- Para recoller de xeito anónimo impresións, estados de ánimo, sensacións...
- Para a autoavaliación establecendo a gradación coma nas rúbricas. nas respostas..
- E un longo etc.

É tan rápido e sinxelo que pode empregarse desde infantil ata os niveis máis altos de educación, incluso hai experiencias moi satisfactorias de enquisas a páis e nais en reunións empregando os Plickers, a ferramenta que tamén empregan os seus fillos/as a na escola.

Resumindo, paréceme unha ferramenta á que sacarlle moitísimo partido xa que é gratis, é sinxela, é adaptable a situacións, grupos, contextos, áreas, tarefas... case infinitas; é novidosa, proporciona feedback ao instante e ten un punto motivador moi valioso.


Interesante? Animádesvos a probalo? Novas ideas de uso?

Saúdos desde a fiestra.